बन्दीपुर केबलकार एण्ड टुरिजम लिमिटेडले आई पिओ निष्कासन गर्न नेपाल एसबिआई मर्चेण्ड बैँकिङ्ग लिमिटेडलाई बिक्री प्रबन्धक नियुक्त गरेको छ । बन्दीपुर केबलकार एण्ड टुरिजमले रु. १०० अङ्कित दरको २५ लाख ८० हजार कित्ताको आई पिओ निष्कासन गर्न लागेको हो जसमध्ये चुक्ता पुँजीको २ प्रतिशत अर्थात् रु. ४ करोड ३० लाख रुपैयाँ बराबरको शेयर परियोजना प्रभावित क्षेत्रका स्थानीय वासिन्दालाई र १० प्रतिशत अर्थात् रु. २१ करोड ५० लाख रुपैयाँ बराबरको शेयर सर्वसाधारणहरुकाे लागि छुट्टाइएको छ । आई पिओ निष्कासन गर्ने सम्बन्धमा बन्दीपुर केबलकार एण्ड टुरिजम लिमिटेड र नेपाल एसबिआई मर्चेण्ड बैँकिङ्ग लिमिटेड बिच सम्झौता भएको छ ।

आई पिओ निष्कासन सम्बन्धी सम्झौता लिखतमा मिति २०७९ चैत्र १५ गते बन्दीपुर केबलकार एण्ड टुरिजम लिमिटेडका तर्फबाट अध्यक्ष राम चन्द्र शर्माले र नेपाल एसबिआई मर्चेण्ड बैँकिङ्ग लिमिटेडका तर्फबाट प्रबन्ध सञ्चालक तथा प्रमुख कार्यकारी अधिकृत देव राज अधिकारीले हस्ताक्षर गर्नुभएको छ । साथै, कम्पनीले २०८० वैशाख २५ गते केबुलकार सञ्चालन परीक्षण मिति र मङ्सिर ०१ गते हाेटल सञ्चालन गर्ने लक्ष्य राखेको छ ।